«Ana tilin bilmeıtinder patrıot bol almaı ma?» -respýblıkalyq basylymdarǵa sholý

ASTANA. 9 maýsym. QazAqparat - Qazaq aqparat agenttigi respýblıkalyq basylymdarda 9 maýsym, beısenbi kúni shyqqan ózekti materıaldarǵa sholýdy usynady.

***

Keshe Qazaqstan Respýblıkasynyń Prezıdenti Nursul­tan Nazarbaevtyń qatysýymen Astanada bastalǵan 7-shi Bú­kilálemdik Islam ekonomıkalyq forýmynyń (BIEF) sal­tanatty túrde ashylý rásimi boldy. Oǵan Islam álemi­niń 50-ge tarta elderinen jáne Islam halyqaralyq uıym­da­rynan kórnekti tulǵalar: saıası jáne qoǵam qaı­rat­ker­leri, bıznes ókilderi, ǵalymdar men sarapshylar jınaldy. Osy aıtýly jıyn arqaý bolǵan maqala el gazeti «Egemen Qazaqstanda» «Dáneker eldiń dıdary jarqyn» degen taqyryppen jarııalandy. Basylymnyń atap ótýinshe, Islamnyń bolmysyn beıbitshilik pen meıirimdiliktiń, tózim­dilik pen ádilettiliktiń dini retinde qalyptastyrýǵa barshamyz birge kúsh salýǵa tıis ekendigimizdi basa aıtqan Elbasy musylman elderin aıtarlyqtaı jańǵyrtýdy kózdeıtin bes bastamany kóterdi.

«Memleket basshysy Nursultan Nazarbaev jetinshi Dúnıejúzilik Islam ekonomıkalyq forýmy aıasynda Islam Damý bankiniń Prezıdenti Ahmad Mohammed Álı Ál-Madanımen kezdesti», - dep jazady «Egemen Qazaqstan» gazeti. Kezdesý kezinde eki jaqty is-qımyl máseleleri, sondaı-aq jetinshi Dúnıejúzilik Islam eko­no­mıkalyq forýmynyń kún tártibi talqylandy. «Biz IDB-nyń óz elimizdegi qyz­me­ti­ne úlken mán beremiz. Biz Qa­zaqstanda aımaqtyq ıslam qar­jy­landyrý ortalyǵyn qa­lyp­­tas­tyrý úshin jumys isteýdemiz. Biz qazirdiń ózinde eki bankti ash­tyq», - dep atap ótken Memleket basshysy.

***

Qazaqstan táýelsizdiginiń 20 jyldyǵyn merekeleý sharalary aıasynda maýsym aıy «Patrıotızm» taqyrybymen ótýde. Qalamger Smaǵul Elýbaıdyń paıymynsha, patrıotızm ana tilinen bastalady. «Árbir azamattyń memlekettik til­di bilýin mindetteıtin talapty Konstıtýtsııaǵa bap retinde engizý qajet. Eger Qazaqstanda turatyn halyq ózge tildi bolyp ketetin bolsa, qazaqstandyq patrıotızm ólip, uly dala rý­hynyń qur sulbasy qalady», - deıdi ol. Sondaı-aq bul jaıynda pikir bildirgen Qazaqstan Prezıdentiniń saıası máseleler jónindegi keńesshisi Ermuhamet Ertisbaev: «Táýelsizdik alǵan kezdegiden qaz­aq tilinde sóıleıtinder qazir ar­tyq. 20 jylǵy jaǵdaımen tipti sa­lys­tyrýǵa da kelmeıdi! Bári durys! Kimniń patrıot ekenin, kimniń pat­rıot emestigin anyqtap qajeti joq. Patrıotızm tarıhta syn saǵatta belgili bolady», - deıdi. Atalǵan azamattardyń pikirin tolyq bilgińiz kelse, «Aıqyn» gazetindegi «Ana tilin bilmeıtinder patrıot bol almaı ma?» degen taqyrypqa kóz salyńyz.

***

«Alash aınasy» gazetiniń turaqty «Dat!» aıdarynda QR Parlamenti Májilisiniń depýtaty, Ámzebek Jolshybekovpen aradaǵy suhbat jarııalandy. Basylymnyń tilshisiniń barlyq saýaldaryna tuşymdy jaýap bergen halyq qalaýlysy: «Turaqtylyq bolmasa, ekonomıkalyq meje oryndalmaq turmaq, Táýelsizdiktiń ózi belgili bir deńgeıde shatqalaqtaıtynyn esten shyǵarýǵa bolmaıdy. Men bizdiń keıbir azamattarymyzdyń sony túsingenin qalaımyn», - deıdi. Suhbattyń tolyq nusqasyn oqyǵyńyz kelse, basylymnyń beısenbilik sanyndaǵy «Túrkilerdiń búgin birigýi erteńimiz úshin mańyzdy» degen taqyrypqa nazar salyńyz.

«Tóraǵa Oral Muhamedjanovtyń qatysýynsyz Parlament Májilisiniń mamyrajaı bastalǵan keshegi plenarlyq otyrysynyń shyrqyn májilismen Valerıı Kotovıch buzdy», - dep jazady «Alash aınasy» gazeti búgingi sanyndaǵy «Elekeev Kotovıchtiń «qarmaǵyn» qapqysy kelmeıdi» degen taqyryptaǵy maqalasynda. Basylymnyń atap ótýinshe, kún tártibi boıynsha otyrys áýeli depýtattyq saýaldardan bastalatyn edi, biraq keshe Valerıı Kotovıchti ne túrtkeni belgisiz, áriptesteriniń aldyna «saýaldardy jıynnyń sońyna qaldyraıyq» degen usynys tastady. Bul usynysqa Muhtar Tinikeev bastaǵan Parlament depýtattardyń birazy shart-shurt bola qaldy. «Nesi bar, onsyz da anda-sanda bir keletin Úkimet músheleri saýaldarymyzdy tyńdap ketsin. Áıtpese, eki saǵattan keıin bir de bir jýrnalıst qalmaıdy. Sol kezde saýaldarymyzdy qabyrǵaǵa aıtamyz ba?», - degen ol bul usynyspen múldem kelispeıtinin jetkizdi.

***

«Syrtqy ister mınıstri Erjan Qazyhanov Italııa elshisi Brýno Antonıo Paskýınoǵa Qazaqstan Respýblıkasynyń Qurmet gramotasyn tabystady», - dep jazady «Kazahstanskaıa pravda» gazeti. Basylymnyń jazýynsha, Elshini Qurmet gramotasymen marapattaý týraly Jarlyqqa Qazaqstan Respýblıkasynyń Prezıdenti Nursultan Nazarbaev 30 mamyr kúni qol qoıǵan. Qazaqstanda 4,5 jyl jumys istegen ıtalııandyq dıplomatqa eki el arasyndaǵy dostyqty, Qazaqstan men Italııa áriptestigin nyǵaıtýdaǵy úlken úlesi úshin berilip otyr.