Amýrdyń qos jaǵalaýynda turatyn reseı men qytaı turǵyndary Jeńistiń 70 jyldyǵyna arnalǵan otshashýdy tamashalaıtyn bolady
13:03, 16 Aqpan 2015
ASTANA. QazAqparat - Amýr ózeniniń qos jaǵalaýyn meken etken reseı men qytaı elderiniń turǵyndary bir ýaqytta Uly Otan soǵysyndaǵy Jeńistiń 70 jyldyǵy qurmetine arnalǵan otshashýdy tamashalaıtyn bolady.
Bul týraly TASS habarlaıdy.
«Jeńis kúni merekelik otshashýdy shekaradaǵy ózenniń eki jaǵasynan beriletini týraly ýaǵdalastyqqa Blagoveşensk delegatsııasynyń qytaılyq Heıhe qalasyna jasaǵan resmı sapary kezinde qol jetkizildi», - dep habarlady Blagoveşensk ákimshiliginiń baspasóz qyzmetinen.
Blagoveşensk - RF sýbektisiniń tikeleı memlekettik shekarada ornalasqan jalǵyz ákimshilik ortalyǵy, oǵan qarama-qarsy Qytaıdyń Heıhe qalasy ornalasqan, bul eki qalany Amýr bólip tur. Reseılik oblys ortalyǵynda 220 myńǵa jýyq adam turady.