Amsterdamda 100-den astam adam ruqsat etilmegen narazylyq aktsııasynda ustaldy

AMSTERDAM. QazAqparat – Gollandtyq quqyq qorǵaý organdary Amsterdamda ruqsat etilmegen narazylyq aktsııasyna qatysqan 115 adamdy ustaǵan, dep habarlaıdy QazAqparat Nıderalandy teleradıohabar taratý korporatsııasyna silteme jasap.

Telearnanyń málimetinshe, polıtsııa qyzmetkerlerine kúsh kórsetkeni úshin jeti adam qamalsa, qalǵandary tártip saqshylarynyń nusqaýlaryna baǵynýdan bas tartqany úshin ustalǵan.

Buǵan deıin mýnıtsıpalıtet demonstratsııaǵa tyıym salǵan bolatyn. Soǵan qaramastan 2 myńǵa jýyq adam áli de el úkimetiniń is-áreketterine jáne ulttyq bıliktiń koronavırýs pandemııasyna qarsy saıasatyna baılanysty narazylyq bildirý úshin qalanyń Mýzeı alańyna jınaldy. Olardyń kópshiligi bir-birinen 1,5 m qashyqtyqty saqtamaǵan, maska taqpaǵan.

Amsterdam mýnıtsıpalıteti adamdardan alańnan ketýdi talap etetin shuǵyl buıryq shyǵardy. Alaıda keıbir demonstranttar bul talapty oryndaýdan bas tartqan, osyǵan baılanysty polıtsııa kúsh qoldanyp, sýatqyshty paıdalanǵan. Qala bıligi atap ótkendeı, narazylyq bildirýshilerdiń arasynda shamamen 200-250 adamnan turatyn top bolǵan, olar qarsylasyp, polıtsııaǵa tas laqtyrǵan. Olardyń keıbireýlerinde jaýyngerlik qolǵap pen sýyq qarý bolǵan.