ÁMSQ-ǵa patsıentterden medıtsınalyq qyzmettiń sapasyna qatysty 5,5 myń shaǵym tústi
Áleýmettik medıtsınalyq saqtandyrý qorynyń mindetteriniń biri patsıentterdiń quqyqtaryn qorǵaý bolyp tabylady. Kún saıyn Qor kelesi resmı baılanys arnalary arqyly ótinishterdi qabyldaıdy:
- 1406 baılanys ortalyǵy,
- Qoldau 24/7 mobıldi qosymshasy,
- fms.kz resmı saıty,
- Telegram-daǵy @SaqtandyrýBot.
Taldaý kórsetkendeı, baılanystyń eń suranysy joǵary tásili 1406 baılanys ortalyǵy bolyp qala beredi – qysqa nómir arqyly ótinishterdiń 83%-y kelip tústi. Ekinshi orynda – Qoldau 24/7 mobıldi qosymshasy.
«Qorǵa kóbinese Nur-Sultan, Almaty qalalarynyń, Aqtóbe, Aqmola oblystary men Shymkent qalalarynyń turǵyndary júginedi. Qostanaı oblysynyń turǵyndary sırek kezdesedi. Ótinishterdiń negizgi bóligi konsýltatıvtik sıpatta bolady. Ótinish berýshiler jarnalar men aýdarymdardy qalaı tóleý kerektigin, MÁMS boıynsha medıtsınalyq kómekti alý úshin qandaı kezeńderde tólem júrgizý kerektigin suraıdy», – deıdi Qordyń zańdy jáne jeke tulǵalarmen jumys jasaý departamentiniń dırektory Zabıra Orazalıeva.
Qorda atap ótkendeı, birinshi toqsanda 5,5 myń shaǵym túsken. Patsıentter medıtsınalyq kómektiń sapasyz kórsetilýine nemese odan bas tartylýyna, konsýltatsııalyq-dıagnostıkalyq qyzmetterdi uzaq kútýine, tar beıindi mamandarǵa jazbanyń bolmaýyna shaǵymdandy.
«Shaǵymdardyń negizgi sebepteri-taǵaıyndalǵan emdeýmen, qoıylǵan dıagnozben kelispeý, dárigerdiń medıtsınalyq qyzmetterge joldama berýden bas tartýy, beıindi dárigerdiń konsýltatsııasyn nemese dıagnostıkalyq tekserýdi kútý, óńirde qajetti mamandardyń bolmaýy. Qor árbir shaǵym boıynsha egjeı-tegjeıli taldaý júrgizýde. Biz patsıentterdi óz quqyqtaryn bilýge jáne olar buzylǵanda, jaǵdaıdy sol jerde sheshý úshin aldymen medıtsınalyq uıymnyń ózinde Patsıentterge qoldaý kórsetý qyzmetine júginýge shaqyramyz. Bul qyzmetter barlyq emhanalar men aýrýhanalarda bar. Eger máseleni sol jerde sheshý múmkin bolmasa, Qorǵa júginý qajet», – dep Zabıra Orazalıeva atap ótti.
Ótinishterdi taldaý qorytyndylary boıynsha patsıentterdiń quqyqtaryn buzý jaǵdaılaryn boldyrmaý nemese aldyn alý úshin Áleýmettik medıtsınalyq saqtandyrý qory klınıkalarmen qajetti jumystarynyń baǵyttaryn anyqtaıdy. Bul úshin Qor apta saıyn semınarlar uıymdastyrady, medıtsına qyzmetkerlerin oqytý baǵdarlamalaryn túzetedi, testileý ótkizedi, qyzmet kórsetý sapasyn jaqsartý boıynsha usynystar beredi.
Medıtsınalyq uıymdarda qyzmet kórsetý sapasyn jaqsartý jáne medıtsınalyq qyzmetkerler men tirkeý, anyqtama qyzmetteriniń MÁMS júıesiniń jumysy jáne medıtsınalyq qyzmetter týraly bilimderin tekserý úshin Qor turaqty túrde «Jasyryn patsıent» aktsııasyn ótkizedi. 2022 jyldyń 1 toqsanynda Qordyń 650 jetkizýshi – medıtsınalyq uıymdarynyń anyqtama, tirkeý jáne call-ortalyqtaryna qońyraý shalyndy. Túrkistan, Batys Qazaqstan oblystary men Shymkent qalasynyń medıtsına qyzmetkerleri medıtsınalyq kómek kórsetý boıynsha eń jaqsy nátıje kórsetti.