Ámir Omarhanov jasóspirimder arasynda álemde 15-orynǵa kóterildi

<p>ASTANA. KAZINFORM &ndash; 18 jasqa deıingiler arasynda ITF álemdik reıtıngini jarııa etti. Qazaqstannyń jas juldyzy, 16 jastaǵy Ámir Omarhanov 16-dan 15-orynǵa kóterildi.</p>

Osylaısha, Ámir óziniń úzdik kórsetkishine (2024 jylǵy aqpan, №12) jaqyndap keledi.

Qazirgi kezde Astanada Prezıdent kýbogi úshin eresekter arasynda chellendjer týrnırinde óner kórsetip jatqan Á.Omarhanov aldaǵy aptada 4 upaımen alǵash ret ATP reıtıngisine de kiredi. 

Jasóspirimder arasynda TOP-50-ge sondaı-aq Sonıa Jıenbaeva (№21) men Asyljan Arystanbekova (№38) endi. Danıal Rahmatýllaev – 58, Zańǵar Nurlanuly – 163, Aııa Nupbaı – 120, Polına Sleptsova 229-satyda tur.

Azııa tennıs federatsııasynyń (ATF) jańartylǵan reıtıngisinde 16 jasqa deıingiler arasynda Zańǵar Nurlanuly burynǵysha 1-orynda. 

14 jasqa deıingiler arasynda Tennis Europe TOP-100-de Qazaqstannyń tórt tennısshisi bar: Robert Kamınskıı 61-de, Ahmadı Mahanov 63-te qalsa, Rodıon Traıgel 69-satyǵa joǵarylady.

Qyzdar arasynda Lınara Bólesheva 84-orynda keledi. 

Eske sala keteıik, budan buryn qazaqstandyq tennısshilerdiń ATP 250 týrnıriniń ekinshi aınalymyna shyqqanyn jazǵan bolatynbyz.