ASTANA. KAZINFORM — Qazaqstandyq tennısshi, álemniń 798-raketkasy, 18 jastaǵy Ámir Omarhanov Monastır (Týnıs) ITF M15 týrnıriniń jartylaı fınalyna shyqty.
Jarystyń 5-raketkasy bolyp tirkelgen qazaqstandyq tennısshi shırek fınalda dúnıejúzilik reıtıngide 1016-orynda turǵan frantsııalyq, 21 jastaǵy Lýıs Larýǵa qarsy keldi.
Birinshi partııada 6:3 esebi tirkeldi.
Ámir ekinshi sette de sol qarqynynan tanǵan joq — 6:2.
Ámir Omarhanov fınalǵa shyǵý úshin álemniń 737-raketkasy, frantsııalyq Nıkolıa Tepmakpen talasady. Ol shırek fınalda reıtıngide 836-satydaǵy ıspanııalyq Horhe Planstan aılasyn asyrdy — 6:2, 6:2.
Eske sala keteıik, budan buryn jas tennısshi Ámir Omarhanovtyń Týnıstegi týrnırdiń shırek fınalyna shyqqanyn jazǵan edik.
Sondaı-aq Aleksandr Býblık tusaýyn kesken balaqaı tennıs dobyn tańdady.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).