ASTANA. KAZINFORM – Qazaqstandyq tennısshi, álemniń 771-raketkasy, 18 jastaǵy Ámir Omarhanov Monastır (Týnıs) ITF M15 týrnıriniń fınalyna joldama aldy.
Qazaqstandyq tennısshi jartylaı fınalda dúnıejúzilik reıtıngide 839-satydaǵy germanııalyq Lýka Vıdenmanmen sheberlik baıqasty.
Ámir ótken aptada Monastırdegi osyndaı jarystyń jartylaı fınalynda L.Vıdenmannan6:4, 6:1 esebimen basym túsken edi.
Bul joly báseke áldeqaıda tartysty ótip, úsh setke sozyldy. Ámir Omarhanov kambek jasap, qarsylasyn 4:6, 7:5, 7:6 (8:6) esebimen jeńdi.
Á.Omarhanov fınalda álemniń 382-raketkasy, túrkııalyq Mert Alkaıamen chempıondyq ataqty sarapqa salady.
Eske sala keteıik, budan buryn Ámir Omarhanovtyń Týnıstegi jarystyń jartylaı fınalyna joldama alǵanyn jazǵan bolatynbyz.
Sondaı-aq Aleksandr Shevchenko Maıamı masters týrnıriniń ekinshi aınalymyna shyqty.
Maıamı masters týrnırinde Pýtıntsevany jeńgen Rybakına úshinshi aınalymǵa ótti.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).