Ámir Omarhanov Meksıkadaǵy týrnırdiń jartylaı fınalyna shyqty

<p>ASTANA. KAZINFORM &mdash; Qazaqstannyń 18 jasqa deıingiler arasynda birinshi raketkasy, jasóspirimderdiń álemdik reıtıngisinde 19-orynda turǵan Ámir Omarhanov birinshi sanattaǵy Merıda (Meksıka) ITF Juniors J500 týrnıriniń jartylaı fınalyna joldama aldy.</p>

Qazaqstandyq tennısshi shırek fınalda jasóspirimder arasynda álemniń 49-raketkasy, amerıkalyq Bendjamın Vılaerttiń mysyn basty.

Eki set te 6:3, 6:3 esebimen Ámirdiń paıdasyna sheshildi.

Ámir Omarhanov fınalǵa shyǵý úshin jasóspirimder arasynda álemniń 28-raketkasy, frantsııalyq Tomas Fýrelmen talasady.

Eske sala keteıik, budan buryn tennısten álemniń eks 1-raketkasy dopıng daýyna ilikkenin jazǵan bolatynbyz.

Sondaı-aq qazaqstandyq tennısshi Mysyrdaǵy jarystyń jartylaı fınalyna ótti.

Sandýǵash Kenjebaeva chehııalyq Ivana Sebestovamen birge Sharm-el-Sheıh (Mysyr) ITF W15 týrnıriniń jartylaı fınalynda tartysty matchta nıderlandylyqtar Lýs Ebelıng Konıng – Sara Van Emstke jol berdi – 6:1, 5:7, 7:10.