ASTANA. KAZINFORM - Qazaqstandyq tennısshiler Vandjý (Ońtústik Koreıa) qalasynda jasóspirimder arasynda ótken ITF J300 týrnırinde tabysty óner kórsetti.
Juptyq synda jarystyń birinshi raketkalary, qazaqstandyq Ámir Omarhanov pen koreıalyq Hoıong Roh úzdik shyqty.
Qazaqstandyq-koreıalyq jup fınalda kort ıeleri Iensý Djeıong - Djangjýn Kımdi aıqyn basymdylyqpen utty - 6:2, 6:2.
Qyzdar arasynda Málıka Ámirǵalıeva taıbeılik ıÝ Chen Lımen birge juptyq synda fınalǵa deıin jetti. Olar sońǵy, tartysty básekede koreıalyqtar Iesýng Cho - Sý Djongqa ese jiberdi - 6:1, 5:7, 8:10.
undefinedJekeleı synda 16 jasqa deıingiler arasynda Azııa reıtıngisinde kósh basynda turǵan Zańǵar Nurlanuly jartylaı fınalda osy jarystyń birinshi raketkasy, koreıalyq Hoıong Rohqa jol berdi - 4:6, 1:6.
Eske sala keteıik, budan buryn Zańǵar Nurlanulynyń Koreıadaǵy týrnırdiń jartylaı fınalyna joldama alǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).