Ámir Omarhanov Beıjińdegi iri týrnırde úzdik shyqty

<p>ASTANA. KAZINFORM &ndash; Qazaqstannyń 18 jasqa deıingiler arasynda birinshi raketkasy Ámir Omarhanov Qytaı astanasy Beıjińde aıaqtalǵan ITF J300 BEIJING 2024 CHINA OPEN týrnıriniń chempıony atandy.</p>

Jasóspirimder arasynda álemdik reıtıngide 15-orynda turǵan Ámir jartylaı fınalda serbııalyq Ojen Mılıchtiń (56 ITF Juniors) meselin qaıyrdy.

Bastapqy partııada qazaqstandyq tennısshi 0:6 esebimen ese jibergenimen, keıin minez kórsetip, jınala bildi – 6:1, 6:3.

Á.Omarhanov fınalda ulybrıtanııalyq Olıver Bondıngpen (19 ITF Juniors) sheberlik baıqasty. Bul joly da Ámir kambek jasaı aldy. Birinshi sette ulybrıtanııalyq tennısshi taı-breıkte basym túskenimen, sodan keıin Qazaqstannyń jas juldyzy oıyn tizginin qolyna ala bildi – 6:0, 6:4.

Bul – Á.Omarhanovtyń jekeleı synda ITF Juniors dodalaryndaǵy altynshy tıtýly. Budan buryn Qaraǵandy tennıs mektebiniń túlegi Taılandta (J300), Koreıada (J300), Mysyrda (J100), Grýzııada (J60) jáne Qaraǵandyda (J60) úzdik shyqqan edi.

Beıjińdegi tabysy arqasynda Ámir dúısenbide jańartylatyn ITF jasóspirimder reıtıngisinde TOP-10-ǵa kiredi.

Eske sala keteıik, budan buryn Jibek Qulambaevanyń Brazılııadaǵy jarystyń jeńimpazy atanǵanyn jazǵan bolatynbyz.