Ámir Maımuratov quzǵa órmeleýden Seýldegi álem kýbogynda 2-oryn aldy

<p>ASTANA. KAZINFORM &ndash; Qazaqstandyq sportshy Seýldegi týrnırde úzdikter qatarynan kórinip, kúmis júldeni enshiledi. Bul týraly <a href="https://www.instagram.com/kazclimbing/?e=04263ebe-806f-4894-b288-e5eb1b75ceef&amp;g=5" target="_blank" rel="noopener">kazclimbing</a> Instagram paraqshasy habarlady.&nbsp;</p>

Otandasymyz irikteý kezeńinde sátti óner kórsetip, 6-orynǵa taban tiredi. Osylaısha Ámir 1/8 fınalǵa joldama aldy. Ol alǵashqy aınalymda Taıland sportshysyn qapy qaldyrsa, 1/4 fınalda 2023 jylǵy jastar arasyndaǵy álem chempıony AQSh sportshysyn jeńdi. 

Al, 1/2 fınalda álem chempıony Matteo Tsýrlonıden basym tústi. Sheshýshi synda Maımuratov Qytaıdan kelgen qarsylasyna ese jiberip, 2-orynǵa ıe boldy.

Qazaqstandyq sportshynyń atalǵan týrnırdegi eń úzdik kórsetkishi – 5,1 sekýnd. 

Aıta keteıik, Ámir Maımuratov Parıjdegi tórtjyldyqtyń basty dodasynda quzǵa órmeleýden Olımpıada rekordyn jańartqan bolatyn.