Ámirjan Qosanovtyń senimdi ókilderi zaýyt jumysshylarymen kezdesti

NUR-SULTAN. QazAqparat - Atyraý qalasynda QR Prezıdentttigine úmitker Ámirjan Qosanovtyń oblystyq saılaýaldy shtabynyń músheleri jáne kandıdattyń senimdi ókilderi «Raýan Nalko» JShS eńbek ujymymen kezdesti. Bul jóninde úmitkerdiń baspasóz qyzmeti habarlady.

Seriktestik Qazaqstannyń jetekshi munaı-hımııalyq kásiporyndarynyń biri sanalady.

Kezdesýdiń moderatory - oblystyq shtab bastyǵy Ǵalymjan Ótebaev boldy. Shtab músheleri kandıdattyń saılaýaldy platformasyn tanystyryp, kandıdattyń túrli máselege kózqarasy jaıly baıandap berdi.

Eske sala keteıik, 11 mamyr kúni saılaýaldy úgit-nasıhat naýqany bastalǵan bolatyn. QR Prezıdenttigine úmitker retinde 4 kandıdat tirkeldi. Búginde kandıdattar óńir-óńirlerdi aralap, úgit-nasıhat sharalaryn belsendi júrgizýde.