Ámirjan Qosanov shtabynyń belsendileri elordadaǵy ortalyq bazarda úgit júrgizdi
Aktsııaǵa 15-ke jýyq adam qoldaý kórsetti. Stýdentter, belsendi jastar bazardaǵy júzdegen turǵyn men astana qonaqtary, satyp alýshylar men satýshylar arasynda úgit-nasıhat jasady. Qatysýshylar únparaqtar, naýqandyq materıaldardy taratyp, halyq suraqtaryna saı túsindirme jumysyn júrgizdi, turǵyndarmen sýretke tústi.
Adamdar kandıdattyń saılaýaldy tuǵyrnamasynyń baǵyttaryna qyzyǵýshylyq tanytty. Olar sondaı-aq halyqtyń áleýmettik máselelerin sheshý boıynsha óz usynystaryn bildirdi.
Al qaladaǵy Áýezov pen Máskeý kósheleriniń qıylysyndaǵy alleıada jastar flesh-mob ótkizdi. Aq jeıde kıgen volonterler «Tańdaý - Qosanov» degen aktsııa uıymdastyrsa, kandıdatty qoldaýshy jastar úgit-nasıhat materıaldaryn, paraqshalar taratty. Kandıdattyń pozıtsııasyn túsindirip, saılaýaldy urandarymen án shyrqady. Demalýshy turǵyndar jıi-jıi úmitkerdiń saılaý tuǵyrnamasynyń negizgi ustanymdaryn surastyryp, qyzyǵýshylyq tanytty jáne jastardyń belsendiligin atap ótti.
Atap óteıik, bul úmitkerdi qoldaýshy jastardyń azamattyq belsendiliginiń sońǵy kórinisi emes, is-sharalar búkil el boıynsha júrip jatyr.