Ámirjan Qosanov shtabynda baıqaýshylarǵa arnalǵan oqytý semınary ótti

NUR-SULTAN. QazAqparat - Elordada, QR Prezıdenttigine kandıdat Ámirjan Qosanovtyń respýblıkalyq saılaý aldy shtabynda saılaý kúni saılaý ýchaskelerindegi daýys berý barysyn qadaǵalaıtyn baıqaýshylarǵa arnalǵan semınar ótti, dep habarlaıdy QazAqparat tilshisi.

Semınardyń júrgizýshisi ári treneri bolǵan Ashat Rahymjanov baıqaýshylardyń mindetteri men quqyqtaryn jan-jaqty túsindirip berdi. Sharaǵa qatysýshylar barlyq ózekti suraqqa qatysty tuşymdy jaýap aldy. 

24 mamyrda QR Prezıdenttigine Qazaqstannyń kommýnıstik halyq partııasy atynan kandıdat Jambyl Ahmetbekov Shymkenttegi "Ońtústik" arnaıy ekonomıkalyq aımaǵynda bolyp, jumysshylarmen kezdesti.

Amangeldi Taspıhovtyń da senimdi ókilderi Túrkistan oblysy men Shyment qalalarynda kezdesý ótkizdi.  Al Qasym-Jomart Toqaevtyń shtaby Qyzylorda jurtshylyǵymen júzdesti.  Al Tóleýtaı Rahymbekovtyń senimdi  ókilderi Qaraǵandy men Almaty qalalarynda kezdesýler ótkizdi. Ámirjan Qosanov  óziniń senimdi ókilderimen birge elorda jurtshylymen kezdesken bolatyn.

Danııa Espaeva bolsa Kókshetaýǵa baryp, "Qazaqstannyń agro-ınnvatsııalyq korporatsııasy" JShS eńbek ujymymen jolyqty.