Ámirjan Qosanov saılaýaldy shtabymen Soltústik Qazaqstandy aralaýda
Taldyqorǵandaǵy Mádenıet saraıynda ótken is-sharaǵa 30-ǵa jýyq adam: sonyń ishinde belsendiler men qoǵam qaıratkerleri, sondaı-aq oblystyń aqsaqaldar keńesi, ardagerler men stýdentter qatysty. Úmitkerdiń senimdi ókilderi Ámirjan Qosanovtyń saılaýaldy baǵdarlamasyn tanystyryp, qujatta kórsetilgen negizgi baǵyttardy aıqyndady.
Oblystyq saılaý shtabynyń bastyǵy Júkel Hamaı kandıdattyń saılaýaldy tuǵyrlamasyn tanystyryp, «Ulttyq dástúrlerdi damytý jáne dástúrli qundylyqtardy saqtaý» taqyrybynda sóz sóıledi.
Al Ámirjan Qosanov saılaýaldy shtabymen birge búgin Soltústik Qazaqstan oblysynyń Báıterek aýylyna keldi. Shtab ókilderi jergilikti turǵyndarmen kezdesip, kandıdattyń saılaýaldy tuǵyrnamasyn tanystyrdy.
Halyqpen kezdesýde Ámirjan Qosanov óz saılaýaldy platformasynyń negizgi baǵyttaryn atap ótip, turǵyndardy tolǵandyrǵan suraqtarǵa jaýap berdi. Іs-shara barysynda aýyl turǵyndary, aqsaqaldar sóz sóılep, óz kózqarastarymen bólisti. Birqatar máseleler kóterilip, sheshý joldary talqylandy.
Eske sala ketsek, keshe QR Prezıdenttigine kandıdat Qasym-Jomart Toqaev Respýblıkalyq qoǵamdyq shtabqa kelip, qyzmetkerlermen kezdesken bolatyn.
Al, QR Prezıdenttigine kandıdat Jambyl Ahmetbekov resmı saıtynda saılaýaldy tuǵyrnamasyn jarııalady.
Sonymen qatar, keshe «Aýyl» xalyqtyq-demokratııalyq patrıottyq partııasynyń saılaýaldy shtabynda jıyn ótti. Onda prezıdenttikke kandıdat Tóleýtaı Raqymbekov óziniń saılaýaldy tuǵyrnamasyn tanystyrdy. Odan bólek, QR Prezıdenttigine kandıdat Ámirjan Qosanov ta óziniń saılaýaldy tuǵyrnamasyn jarııa etti.
Kandıdattardyń birqatary qazirdiń ózinde birshama qyzý jumystardy júrgizip jatyr. Jer-jerde Prezıdenttikke úmitkerler halyqpen kezdesip, daýys jınaý úshin úgit-nasıhat jumystaryna kirisken. Atap aıtqanda, «Aq jol» partııasynan úmitker Danııa Espaeva Almaty bazarynda jumys isteıtin kásipkerlermen kezdesti. Danııa Espaeva Azat Perýashev bastaǵan Respýblıkalyq shtab ókilderimen birge «Jibek joly» bazaryna bardy. Kásipkerler D. Espaevaǵa jáne partııa jetekshilerine Qazaqstandaǵy shaǵyn jáne orta bıznestiń máseleleri jóninde sóz qozǵady. Óz kezeginde úmitker saılaýaldy baǵdarlamanyń negizgi baǵyttary men mindetteri týraly baıandady.