Amerıkalyq jýrnalıst Nıderland-Argentına matchy kezinde kóz jumdy

ASTANA. QazAqparat – Amerıkalyq jýrnalıst, CBS qyzmetkeri jáne «Bekhem tájirıbesi» kitabynyń avtory Grant Val Qatarda fýtboldan ótip jatqan álem chempıonatynda Nıderland pen Argentına matchy kezinde kóz jumdy, dep habarlaıdy QazAqparat tilshisi.

Bul týraly onyń baýyry áleýmettik jelide málimdedi. Jýrnalıstiń qaıtys bolǵanyn AQSh fýtbol federatsııasy da rastap, kóńil aıtty.

Marqumnyń baýyry Granttyń densaýlyǵy jaqsy bolǵandyǵyn, sondyqtan onyń óz ólimimen qaıtqanyna senbeıtinin jetkizdi.

TASS agenttiginiń málimetine qaraǵanda, Grant Val Argentına – Nıderland matchynda fýtbol sholýshysy bolǵan.

Eske sala keteıik, budan buryn Brazılııanyń bas bapkeri ornyn bosatqanyn jazǵan bolatynbyz.

Sondaı-aq Lıonel Messı álem chempıonattaryndaǵy onynshy golyn soqty.

Nıderland quramasyn joldan taıdyrǵan Argentına jartylaı fınalǵa shyqty.

Foto: ASSOCIATED PRESS/ Jorge Saenz