Amerıkalyq telearna Reseı hakerleri 1 mln kredıttik karta málimetin urlaǵanyn málimdedi

NЬıÝ-IORK. TASS-QazAqparat – Reseıdegi All World Cards hakerler toby AQSh jáne ózgede el azamattarynyń mıllıondaǵan kredıttik kartalarynyń málimetterin ınternette jarııalap jiberdi. Beısenbi kúni Amerıkanyń CNBC telearnasy osyndaı aqparat taratty, dep habarlaıdy QazAqparat TASS agenttigine silteme jasap.

Telearna kıberqaýipsizdik salasynda jumys isteıtin Q6 kompanııasynyń analıtıkterine silteme jasap otyr. Alaıda, bul aqparatty rastaıtyn qandaı da bir basqa dálelder keltirilmegen.

Áleýmettik jelilerdegi paraqshalarynda atalǵan jarııalanymǵa qatysty túsiniktemesin bergen telearna tilshisi Emon Djavers «bankterdiń kóp uzamaı onyń saldaryn sezinetinin» eskertti. Sondaı-aq ol All World Cards jaqynda ǵana qurylǵanyn aıtty.

CNBC materıaly amerıkalyqtardyń shottarynan aqshanyń zańsyz sheshilýi jaǵdaıynda ne isteý kerek degen taqyrypqa arnalǵan.