Amerıkalyq spýtnıgi bar «Protondy» Baıqońyr ǵarysh aılaǵynan ushyrý 8 maýsymǵa josparlanǵan - Qazǵarysh
«Proton-M» tasymaldaǵysh zymyranmen «Intelsat DLA-2» ǵarysh apparatyn ushyrý «Baıqońyr» ǵarysh aılaǵynyń 81 alańyndaǵy starttyq keshennen 2016 jyldyń 8 maýsymyna (negizgi data), Astana ýaqytymen saǵat 13.10-ǵa (rezervtik datalar - aǵymdaǵy jyldyń 9-11 maýsymy) josparlanǵan», - delingen habarlamada.
«Baıqońyr» ǵarysh aılaǵynda «Intelsat DLA-2» ǵarysh apparatyn ushyrý sheńberindegi jumystar jalǵasýda, ǵarysh apparaty «Baıqońyr» ǵarysh aılaǵyna aǵymdaǵy jyldyń 26 sáýirinde jetkizilgen, dep jazady primeminister.kz.
«Intelsat DLA-2» ǵarysh apparatyn IntelsatS.A (AQSh) spýtnıktik baılanys operatorynyń tapsyrysy boıynsha Space Systems Loral (AQSh) kompanııasy jasaǵan. Ǵarysh apparatynyń salmaǵy 6320 kg, onda S-dıapazondaǵy 10 transponder (retranslıatsııa baǵany) jáne Ku-dıapazondaǵy 72 transponder bar. Spýtnık geostatsıonarlyq orbıtaǵa, batys boılyqtaǵy 95° turý núktesine shyǵarylyp, sol jerden 15 jyl boıy Latyn Amerıkasy aýmaǵyna úzdiksiz habar taratý qyzmetin kórsetetin bolady», - dep túsindirdi Qazǵaryshta.