Amerıkalyq sarapshylar Qazaqstandaǵy dinı senim bostandyǵyna baǵa berdi

NUR-SULTAN. QazAqparat – Amerıkalyq sarapshylar elimizdiń dinı senim bostandyǵyn qamtamasyz etý salasyndaǵy baǵytyn jaǵymdy baǵalady. Bul týraly QazAqparat Syrtqy ister mınıstrligine silteme jasap habarlaıdy.

AQSh-tyń Halyqaralyq din bostandyǵy jónindegi komıssııasy (USCIRF) «Qazaqstan Respýblıkasynyń keıbir zańnamalyq aktilerine kórneki aqparat máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasyna resmı túsinikteme jarııalady.

Amerıkalyq sarapshylar elimizdiń dinı senim bostandyǵyn qamtamasyz etý salasyndaǵy baǵytyn jaǵymdy baǵalady.

«Biz Qazaqstan Úkimetine dinı senim bostandyǵy salasyndaǵy reformalardy jalǵastyryp kele jatqany úshin alǵys aıtamyz», – delingen túsiniktemede.

Komıssııanyń pikirinshe, zań jobasy Qazaqstannyń atalǵan baǵytta naqty ilgerileýshilikke qol jetkizýdegi úzdiksiz kúsh-jigerin kórsetedi. Dıalogtyń Dinı senim bostandyǵy máseleleri jónindegi Qazaqstan-AQSh Jumys saraptaý tobynyń aıasynda tıimdi jalǵasatynyna úmit bildirdi.