Amerıkalyq sarapshy Golovkınniń eńbekqorlyǵyna tamsanatynyn aıtty
06:00, 04 Qarasha 2018
ASTANA. QazAqparat - Boxingscene.com saıtynyń tilshisi Stıven Edvards qazaqstandyq boksshy Gennadıı Golovkınniń oǵan nelikten unaıtyny týraly pikirimen bólisti, dep habarlaıdy QazAqparat Sports.kz saıtyna silteme jasap.
«Maǵan onyń is-áreketteri stıli, qalaı soqqy jasaıtyny unaıdy. Men onymen kezdesip, onyń jattyǵý lagerinde de bolǵanmyn. Maǵan onyń qandaı jattyǵý bolsa da aýyrsynbaıtyny, tózimdiligi unaıdy. Onyń jasy 36-da, soǵan qaramastan ol VADA-nyń baǵdarlamasynan tys qalǵysy kelmeıdi. Al ózge boksshylar májbúrlemeseń óz erkimen bul baǵdarlamaǵa ońaılyqpen qatyspaıdy. GGG alaıaqtar jaılaǵan zamanda taza qalpyn saqtap qaldy»,-dep jazad avtor.
Aıta keteıik, Golovkın rıngke kelesi jyldyń kóteminde shyǵady degen boljam bar. Ol óziniń sońǵy kezdesýin 15 qyrkúıek kúni ótkizip, rematchta meksıkalyq Saýl Alvareske jeńilip, orta salmaqtaǵy ataqtarynyń barlyǵynan aıyrylǵan bolatyn.