Amerıkalyq sanıtarııalyq kompanııa 100-den astam balany qaýipti jumysqa alǵan

VAShINGTON. QazAqparat - AQSh-taǵy azyq-túlik qaýipsizdigin qamtamasyz etetin iri kompanııalardyń biri 100-den astam balany qaýipti jumystarǵa alǵan. Bul týraly juma kúni eldiń Eńbek mınıstrligi málimdedi, dep habarlaıdy QazAqparat Sınhýa agenttigine silteme jasap.

Vıskonsın shtatynyń Kıler qalasynda ornalasqan Packers Sanitation Services kompanııasy Eńbek mınıstrliginiń tergeýinen keıin «13 pen 17 jas aralyǵyndaǵy kem degende 102 balany qaýipti jumystarǵa tartyp, olardy et óńdeıtin 13 kásiporynda túngi aýysymda jumys isteýge májbúr etkenin anyqtaǵannan keıin 1,5 mıllıon AQSh dollary kóleminde azamattyq aıyppul tóledi» - delingen habarlamada.
2022 jyldyń tamyz aıynda bastalǵan tergeý amaldary boıynsha, balalar qaýipti hımııalyq zattarmen jumys istep, et óńdeý jabdyqtaryn, sonyń ishinde et kesetin stanoktar men bas bólgish mashınalardy tazalaǵan.
Amerıka Qurama Shtattary BUU-nyń Bala quqyqtary týraly konventsııasyn ratıfıkatsııalamaǵan álemdegi jalǵyz memleket.

Foto: Josh Funk/AP