Amerıkalyq lıngvıst qazaq tilin ýltradybystyq tehnologııa arqyly zertteýde

ASTANA. QazAqparat - Amerıkalyq lıngvıst ýltradybystyq tehnologııamen qazaq tiliniń sóıleý erekshelikterin anyqtady, dep habarlaıdy Habar24 .

Jas professor, Sýortmor ýnıversıteti lıngvıstıka kafedrasynyń dotsenti Djonatan Vashıngtonnyń qazaq tiline degen qyzyǵýshylyǵy erekshe. Ol doktorlyq dıssertatsııasyn qorǵap, qazaq tiliniń shyǵý tarıhyn tereńirek zerttemek.

Ol osy oqý ordasynda fonetıka men fonologııany zerdelep, kompıýterlik lıngvıstıka jasaıdy. Qazaqstanǵa 2004 jyly kelgende, Brendaı ýnıversıtetin bitirgen kez edi. Túrkologııaǵa qyzyǵýshylyq tanytqanymen, dıplomdyq jumysyn qazaq tiliniń erekshelikterine arnady. Magıstratýrada oqyp júrgeninde túrik álemin tereń zertteı bastady.

«ÝZI apparatymen qaraýǵa bolady. Aldymen suıyqtyqty quıamyz. Osy tehnologııa arqyly daýysty dybys paıda bolady. Kórip turǵandaryńyzdaı, bul tildiń aldyńǵy jáne artqy bóligi. «O» áripin aıtqanda alǵa qaraı shyǵady»,-deıdi lıngvıst maman, professor Djonatan Vashıngton.

Djonatan qazaq tiliniń latyn qarpine kóshýi týrasynda pikir bildirdi. Osy oraıda álemdik tájirıbege súıenýge keńes beredi.