Amerıkalyq ınvestorlardy Býrabaı aımaǵyndaǵy jobalar qyzyqtyrady
Kezdesýde Aqmola oblysy men AQSh memleketi arasyndaǵy ekonomıkalyq baılanystardyń qazirgi jaıy men bolashaǵy týraly áńgime órbidi.
«Elimizdegi iri agrarlyq óńir sanalatyn Aqmola oblysy astyqtyń 25 paıyzyn óndiredi jáne jyl saıyn shet memleketterge shamamen 2 mln tonna bıdaı eksporttaıdy. Oblysymyzda amerıkalyq ınvestorlardy qyzyqtyratyn aýyl sharýashylyǵy jáne ónerkásip, týrızm salasyndaǵy jobalar az emes. Biz sondaı jobalarǵa qatysqysy keletin ınvestorlarǵa zań sheńberinde barlyq múmkindikter jasaýǵa ázirmiz», - dedi aımaq basshysy.
Óz kezeginde AQSh elshisi úsh jyldan beri Qazaqstanda eńbek etip kele jatsa da Kókshetaýǵa birinshi ret joly túsip otyrǵandyǵyn, óńirdiń qarqynmen damyp kele jatqandyǵyn aıtty.
«Týrızm salasyn damytýǵa mol múmkindigi bar Şýchınsk-Býrabaı kýrortty aımaǵynda amerıkalyq ınvestorlardy qyzyqtyratyn jobalar az bolmasy anyq», - dedi elshi.
Sondaı-aq Djordj Krolmen AQSh energetıka mınıstri Rıchard Perı bastaǵan delegatsııanyń EKSPO-ny kórý úshin Astanaǵa keletinin, atalǵan delegatsııa ókilderiniń Aqmola oblysyna da sapary josparlanyp otyrǵandyǵyn jetkizdi.