Amerıkalyq Býrabaıda týrıstik polıtsııanyń ashylýyna tańdanys bildirdi
Vedomstvonyń deregi boıynsha, jańa bólimshe jumysyn 17 mamyrda bastady. Naqty sol kúni polıtsııanyń stantsıonarly pýnkti ashylyp, jańa elektromobıldiń kilti tapsyrylǵan bolatyn. Polıtsııa departamentiniń bastyǵy Berik Bilálov bólimshe jumysyna sáttilik tileı otyryp, azamattarmen qarym - qatynasty jaqsartýǵa jáne qyzmettik mindetti abyroımen atqarýdy tapsyrdy.
Bólimshe quramynda 5 qyzmetker bar. Olar arnaıy qyzmettik kıimde júredi, polıtsııa beınetirkeýish, planshet, ratsııamen jabdyqtalǵan.
Sonymen qatar, qyzmetkerler aǵylshyn tiliniń jeńildetilgen kýrsy, áskerı jáne qyzmettik daıarlyqtan ótken.
AQSh-tan Býrabaıǵa demalýǵa kelgen Devıd Mıller Qazaqstanda týrıstik polıtsııa qyzmetiniń ashylǵanyna erekshe tańdanys bildirdi.
«Men álemniń kóptegen elderinde boldym. Biraqta sizderdigideı sheteldik týrısterge degen qamqorlyqty esh jerde kezdestirmedim. Men mynda ózimdi qaýipsiz sezinemin», - dedi týrıstik polıtseılermen kezdesken Devıd Mıller.
Eske sala ketý kerek, səýir aıynda QR Prezıdenti Qasym-Jomart Toqaevtyń qatysýymen ótken ІІM alqa otyrysynda Іshki ister mınıstri Erlan Turǵymbaev memleket basshysyna elimizde týrıstik polıtsııa qurylatyny týraly málimdegen edi.
Týrıstik polıtsııanyń basty mindeti - kelgen týrıster men qonaqtarǵa qyzyqtyrǵan suraqtar boıynsha keńester, aqparattar berý jáne olardyń qaýipsizdigin qamtamasyz etý.