Amerıkalyq bankomattyń janynan taýyp alǵan 27 myń AQSh dollaryn bankke qaıtarǵan

VAShINGTON. QazAqparat – Mıchıgan turǵyny Djordj Kondesh kóshedegi bankomattyń mańynan ishinde 27 myń AQSh dollary bar temir qorap taýyp alyp, ony jergilikti bank bólimshesine tapsyrǵan. Bul týraly CNN telekompanııasy habarlady.

Kondeshtiń aıtýynsha, ol qorapty banktegi kassırge bergen.

«Men qorapty ústelge qoıǵan sátte, bank qyzmetkerleri tańdanǵandyqtaryn jasyra almady», - dedi Mıchıgan turǵyny.

CNN-de jarııalanǵan beınebaqylaý kamerasynyń jazbasynda ınkassatorlardyń bankomatqa kelip, júk kóliginen qolma-qol aqshasy bar birneshe temir qorapty shyǵaryp, olardy avtomatty qurylǵyǵa salǵany jazylyp tur. Sodan keıin olar kóshede qoraptardyń bireýin umytyp, ketip qalǵan. Arada 20 mınýttan soń osynda kelgen Kandesh qorapty ashyp, qaraǵan. Ol álgindegi «40 myń AQSh dollary» degen jazýdy kórgen. Biraq, keıin belgili bolǵandaı, onyń ishinde 27 myń AQSh dollary bolǵan.

Bank ókilderi Kondeshtiń syıaqy alǵanyn, biaq onyń mólsheri qupııa ekenin habarlady.