Amerıkalyq áıel urlap áketti dep oılap, taksısti atyp óltirdi

LONDON. QazAqparat - AQSh turǵynyna taksı júrgizýshisin óltirdi degen aıyp taǵyldy. Ol júrgizýshi ózin urlap, Meksıkaǵa apara jatyr dep oılaǵan, dep habarlaıdy QazAqparat BBC-ge silteme jasap.

Tehas shtatyndaǵy El-Paso qalasy polıtsııasynyń málimetinshe, kólikte otyrǵan áıel «Sıýdad-Hýares, Meksıka» degen jol belgisin kórip, ózin Meksıkaǵa apara jatyr dep oılap qalǵan. Sosyn dereý sómkesinen tapanshasyn alyp, júrgizýshiniń basynan atqan. Kólik jol jıeginde qorshaýǵa soǵylǵan. 52 jastaǵy júrgizýshi aýrýhanada qaıtys boldy.

Amerıkanyń El-Paso qalasy men Meksıkanyń Sıýdad-Hýares qalasy shekaranyń eki jaǵynda ornalasqan. Qalalar arasyndaǵy qashyqtyq - 3 shaqyrym.

Áıel - Kentýkkı shtatynyń turǵyny. Ol El-Pasoǵa jigitine qonaqqa kelgen.

Boljam boıynsha ol 911 nómirine qońyraý shalyp, keıin júrgizýshini sýretke túsirip, jigitine jibergen.

«Tergeý adam urlaý, sondaı-aq júrgizýshiniń baǵytynan qasaqana aýytqý nusqasyn qarastyrmaıdy», - delingen baspasóz habarlamasynda.