Amerıkalyq jazýshy ári kovboı qazaqstandyq jylqylar týraly kitap jazýdy josparlap otyr
«Qazaqstanǵa birinshi ret keldim. Keń dalasyn, ǵajaıyp aýasyn kórip erekshe tańǵaldym. Qazaqstan ádemi el eken. Meniń oıymsha, Qazaqstanda kóp nárse shynaıy, óıtkeni Qazaqstan — keń dalanyń júregi. Bul jylqylardyń alýan tuqymdary bar óte úlken el. Kókpar, kók bóri oıyndary — biz úshin jańa dúnıe bolǵandyqtan oınaý qyıyn boldy. Keıbir kisiler bul jaqtyń attaryna úırenbegendikten qolaısyzdyqtar boldyma dep surap jatyr. Meniń oıymsha attyń bári birdeı, tek ony tizgindeı bilgen adam ózine baǵyndyra alady. Men, AQSh-tyń Kolorado shtatynda týyp-óstim. Kolledjden keıin ol Kolorado, Vaıomıng jáne Tehas shtattarynda kovboı jáne at jattyqtyrýshysy bolyp jumys istedim. Sol jerde aty ańyzǵa aınalǵan shabandoz Djek Breınardpen birge oqydym. 2008 jyly jylqy baptaýmen aınalysa júrip, jýrnalıst retinde jumysyn istedim», — deıdi ol.
2023 jyly Grant Ponı týraly kitabin jazǵan, onda ol tarıhı Pony Express baǵytyn qaıta qurýdaǵy óziniń erekshe shytyrman oqıǵasyn baıandaıdy. 2019 jyldyń jazynda ol atpen 3200 shaqyrymnan astam jol júrip, at mingen poshtashylardyń Mıssýrıden Kalıfornııaǵa deıingi jolyn basyp ótken.
«Bala kezimnen jylqyny jaqsy kóremin, atqa minip tabıǵat aıasynda júrgendi unatamyn. Bul men úshin keremet demalys. Men Pony Express týraly kitap jazdym. Bul Amerıkada poshtany bir jerden ekinshi jerge aparatyn attar. Shyńǵys hannyń jylqylaryndaı júırik. Men 3200 shaqyrymdy qalaı júrip ótkenimizdi jazdym. Osy saparymda bul kitabimdi Qazaqstanǵa ala keldim», — deıdi Ýıll Grant.
Endi Grant adamzattyń atqa mingen alǵashqy kúnnen bastap, adamdar men jylqylardyń qarym-qatynasynyń tarıhyna jańa kitap arnaýdy josparlap otyr.
«Qazaqstanǵa qaıta kelýdi josparlap otyrmyn. Alaıda, qazir qolymnyń sińirin sozyp aldym. Jalpy, endigi naýryz aıynda Qazaqstanǵa kelip, osy eldiń jylqylary týraly kitap jazýdy oılap otyrmyn. Ózim Ortalyq Azııa jáne álemdegi jylqy tuqymdary jóninde kitaptar jazýdy bastaǵan edim. Men Qazaqstanda jylqylar alǵashqy ret qolǵa úıretilgen meken dep bilemin. Sondyqtan men úshin bul mekende bolýdyń ózi úlken mártebe», - deıdi amerıkalyq jazýshy, jýrnalıst, kókpardan AQSh quramasynyń múshesi Ýıll Grant.