Amerıkalyq sarapshy qazaq kásipkerlerine qymyz eksporttaýǵa keńes berdi

<p>AQSh Aq úı janyndaǵy qorǵanys departamentiniń keńesshisi, Strategııalyq jáne halyqaralyq zertteýler ortalyǵynyń aǵa keńesshisi Edvard Lıýttvak qazaqstandyq ónimderden qymyz unaıtynyn, alaıda ony Vashıngtonda esh jerde satyp ala almaıtynyn aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Astana Club forýmynda tilshilerge bergen suhbatynda sarapshy halyqaralyq qaqtyǵystardyń Ortalyq Azııa elderiniń ekonomıkasyna qalaı áser etkenin aıtty.

«Árıne, tikeleı emes, biraq janama túrde Ortalyq Azııa ekonomıkasy bul qaqtyǵystan zardap shegip otyr. Biraq men mynadaı mańyzdy nárseni aıtqym keledi: Ortalyq Azııada ekonomıkany ınternatsıonaldandyrý kerek. Bul qazirgi ýaqytta eksport jetkilikti kólemde bolýy kerek degendi bildiredi. Qazaqstanda, Ortalyq Azııada eksport kólemi tómen. Mysaly, maǵan qymyz sýsyny óte unaıdy. Biraq men ony Vashıngtonda satyp ala almaımyn. Qazaqtardyń ózderi bızneske baǵdarlanǵan, eksportqa bet burǵan bolýy kerek. Eksporttaıtyn ekonomıkalar ǵana tabysty bolady. Mysaly, qymyzdy erekshe sýsyn retinde kóp adam satyp alar edi. Bul jerde áńgime qandaı qaqtyǵystar bolyp jatqanyna, kúshtiń tepe-teńdigine baılanysty emes, kásipkerlik qabilet jóninde. Bul Reseıge nemese Beıjińge baılanysty emes, qazaqtardyń kásipkerlik qabileti men bızneske baǵdarlanýyna baılanysty», — dep atap ótti Edvard Lıýttvak.

Sonymen birge, halyqaralyq sarapshy Qazaqstannyń qazirgi jaǵdaıda júrgizip otrǵan saıasaty týraly da aıtty.

«Saıası turǵyda Qasym-Jomart Toqaev ózin saıasatker retinde óte jaqsy kórsetti. Sonymen qatar, Reseıde mobılızatsııa bastalǵanda biz kóptegen jas reseılikterdiń Qazaqstanǵa kelgenin kórdik. Qazaqstanda bıýrokratııa az. Olar tez arada túrli qujattaryn, qaǵazdaryn rásimdeı aldy. Óz kezeginde bul jas isker reseılikterdi osynda kelip, bıznes bastaýǵa, jumys isteýge tarta aldy. Qazaqstannyń geografııalyq ornalasýyna baılanysty múmkinshilikteri onsha kóp emes. Degenmen Qazaqstan qolda bar múmkindikterin jaqsy paıdalana aldy», — dep tolyqtyrdy Edvard Lıýttvak.

Aıta keteıik, elordada dástúrli Astana Club forýmy ótip jatyr.

Bul forým — jyl saıyn kórnekti saıası qaıratkerlerdi, dıplomattardy, bedeldi ǵalymdardy jáne álemdegi eń iri taldaý ortalyqtarynyń jetekshi sarapshylaryn jınaıtyn halyqaralyq pikirtalas alańy.