Amerıkalyq erli-zaıyptylarǵa qos azamattyǵy úshin 738 myń teńge aıyppul salyndy
Polisia.kz-tiń málimetinshe, birinshi jartyjyldyqta Kóliktegi polıtsııa departamentiniń qyzmetkerleri QR Kóshi-qon zańnamasyn buzǵany úshin 1483 sheteldikti ákimshilik jaýapkershilikke tartty, onyń ishinde sot sheshimi boıynsha 484 sheteldik azamat elden shyǵaryldy.
Qos azamattyǵy bar 181 tulǵa anyqtalyp, olar boıynsha tıisti sharalar qabyldandy. Máselen Túrkistan qalasy áýejaıyndaǵy jelilik polıtsııa bólimshesiniń kóshi-qon qyzmetiniń qyzmetkerleri QR UQK-niń shekara qyzmetimen birlesip, Túrkistan – Stambul baǵytyndaǵy áýe reısine tirkelý kezinde Qazaqstan Respýblıkasynyń azamattyǵy týraly zańnamasyn buzǵan erli-zaıyptylar anyqtaldy. Olar 54 jáne 45 jastaǵy AQSh azamattary bolyp shyqty.
Kólik polıtseıleri quqyq buzýshylarǵa qatysty Qazaqstan Respýblıkasynyń zańnamasynda belgilengen merzimde shetel azamattyǵyn alý faktisin habarlamaǵany úshin ákimshilik hattama toltyryp, materıaldy Túrkistan oblysynyń mamandandyrylǵan ákimshilik sotyna joldady.
Sot sheshimi boıynsha shetel azamattary 200 AEK (738 400 teńge) mólsherinde ákimshilik aıyppul túrinde ákimshilik jaýapkershilikke tartyldy.