Amerıkalyq basketbolshy qyzdar 8-shi ret Olımpıada jeńimpazy bolǵan
10:46, 12 Tamyz 2024
<p>ASTANA. KAZINFORM – AQSh-tyń áıelder basketbol komandasy Olımpıada oıyndarynyń fınaldyq kezdesýinde Frantsııany 67:66 esebimen utqan bolatyn. Osylaısha, amerıkalyq qyzdar jazǵy Olımpıada oıyndary tarıhynda qatarynan segizinshi ret top jardy.</p>
Jalpy, AQSh quramasy Olımpıadada 10 ret altyn alǵan. Eki ret KSRO quramasy jeńimpaz atanǵan.
Bıylǵy Olımpıadada AQSh sapynda 42 jastaǵy Daıana Taýrazı el namysyn qorǵaǵanyn atap ótken jón. Sóıtip, ol 6 dúrkin Olımpıada chempıony atanyp otyr. Daıana buǵan deıin 2004, 2008, 2012, 2016 jáne 2020 jyldardaǵy Olımpıada oıyndarynda jeńiske jetken bolatyn. Basketbolshy úsh dúrkin álem chempıony ekenin de eske salǵan jón.
Buǵan deıin Parıj Olımpıadasynda tanymal basketbolshy, AQSh quramasynyń úzdigi Lebron Djeıms jańa trıpl-dabl koroli atanǵanyn jazǵan edik.