Amerıkada GMO kóz tamshysynyń arqasynda soqyr balanyń kózi ashyldy

MAIAMI. QazAqparat – Soqyr bala gerpes vırýsy negizinde jasalǵan kóz tamshysyn paıdalanǵannan keıin kórip ketken, dep habarlaıdy QazAqparat The Mirror basylymyna silteme jasap.

14 jasar Antonıo Vento Karvahal ómiriniń kóp bóliginde sırek kezdesetin genetıkalyq aýrý - dıstrofııalyq býllezdi epıdermolızge baılanysty soqyr bolǵan.

Osy aýrýdan onyń denesi men kózderi kúlbirep ketken.

Biraq ol Maıamı ýnıversıteti Baskom Palmer kóz ınstıtýtynyń dárigeri Alfonso Sabater júrgizgen álemdegi alǵashqy jergilikti gendik terapııanyń klınıkalyq synaqtaryna qosylǵan kezde ǵajaıyp bolǵan.

Antonıonyń otbasy AQSh-qa Kýbadan 2012 jyly arnaıy vızamen kelgen. Sonyń arqasynda Antonıo álem boıynsha tek 3000 adam aýyratyn aýrýdan em qabyldaǵan. Onyń kóziniń tyrtyq ulpasyn alý boıynsha ota jasaǵan, biraq ol qaıta shyqqan. Antonıonyń kóz janary nasharlap, sońynda tipti ózi júre almaıtyn jaǵdaıǵa jetken.

Dáriger Sabater sol kezde balaǵa sheshimin tabýǵa ýáde berip, sol ýádesin oryndady. Onyń komandasy qarapaıym gerpestiń ınaktıvti vırýsy negizinde arnaıy kóz tamshysyn jasap shyǵarǵan. Ol Antonıonyń terisindegi kúlbireýdi emdeýge paıdalanatyn eksperımentaldy geldiń retseptýrasyn ózgertken.

Dárini tyshqandarǵa synaǵannan keıin eki jyldan soń, Sabater komandasy adamdarǵa kóz tamshylaryn qoldanýǵa ruqsat aldy. Ótken jyly tamyzda Antonıonyń oń kózine operatsııa jasap, sodan keıin dáriger Sabater ony kóz tamshylarymen emdeı bastaǵan.

Antonıonyń kózi operatsııadan keıin qalpyna kelgen, tyrtyq ulpasy qalpyna kelmegen jáne aı saıyn aıtarlyqtaı jaqsarǵan, deıdi doktor. Jaqynda dárigerler Antonıonyń oń kóziniń kórý qabiletin ólshegen jáne ol óte jaqsy deńgeıge jetken.

Bıyl dáriger Sabater Antonıonyń sol kózin emdep bastaǵan. Onyń aıtýynsha, balanyń sol kózi de jaqsaryp keledi.

Antonıo oftalmologııalyq ınstıtýtta apta saıyn tekserýden ótedi jáne aıyna bir ret tamshy tamyzady. Instıtýtqa kelgende Antonıo qolyn, aıaǵyn jáne tabanyn jabatyn qorǵanys kıimin kııýi kerek. Osy aýrýǵa shaldyqqan basqa balalar sııaqty onyń denesine ustap qalǵanda jaralanýy múmkin.

Antonıo kóz tamshylaryn jasaǵan geldi álige deıin denesine jaǵady.

Dáriger Sabater ózi jasaǵan kóz tamshylary AQSh-ta 18 mıllıon adam shaldyqqan Fýks dıstrofııasy sııaqty basqa aýrýlardy emdeý úshin paıdalanylýy múmkin dep sanaıdy.

Qazir Antonıo basqa da jasóspirimder sııaqty júr: dostarymen vıdeooıyndar oınaıdy.