Amerıka kýbogynda Argentına men Kolýmbııa oınaıdy

<p>ASTANA. KAZINFORM - Fýtboldan 2024 jylǵy Amerıka kýbogy fınalyna joldama alǵan taǵy bir qurama belgili boldy. Mundaı múmkindikke Kolýmbııa quramasy qol jetkizdi.</p>

Jartylaı fınalda kolýmbııalyq fýtbolshylar Ýrýgvaımen sheberlik baıqasty. Olardyń qatarynan 39'-mınýtta Hefferson Lerma soqqan jalǵyz gol kezdesý taǵdyryn sheshti.

Osylaısha olar qarsylasyn 1:0 esebimen jeńip, óz tarıhynda úshinshi márte fınalǵa joldama alyp otyr. Atalǵan qurama 2001 jyly chempıon atansa, 1975 jyly ekinshi orynǵa taban tiredi. Al 1987, 1993, 1995, 2016, 2021 jyldarda úzdik úshtikti túıindedi.

Endi Kolýmbııa quramasy 15 shildede fınalda Argentınamen oınaıdy.

Al 3-oryn úshin 14 shildede Kanada men Ýrýgvaı jasyl alańǵa shyǵady.

Bıyl Amerıka kýbogy 20 maýsym men 14 shilde aralyǵynda AQSh-tyń 14 qalasynda ótkiziledi.

Amerıka kýbogy 1916 jyldan beri turaqty ótkizilip keledi. Qazirge deıin Argentına men Ýrýgvaı -16, Brazılııa - 9, Paragvaı, Chılı, Perý - 2, Kolýmbııa men Bolıvııa - 1 márteden chempıon atandy.