Ámen Qaıdar tuńǵysh mýltfılmniń syzbasyn Stalıngrad maıdanynda salǵan

ASTANA. QazAqparat - «Qazaq mýltfılminiń qarlyǵashy» atanǵan Stalıngrad shaıqasynyń ardageri, qazaqtyń ulttyq ónerinde alǵashqy mýltıplıkatsııa shańyraǵyn kótergen, osy salada kóptegen shákirt tárbıelegen ulaǵatty ustaz Ámen Qaıdar týraly Almaty qalalyq Ortalyq memlekettik muraǵat qorynda biraz qujattar saqtalǵan, dep jazady «Almaty aqshamy» basylymy.

Basylymnyń jazýynsha, 2006 jyly Ámen aǵanyń jeke muraǵatyndaǵy qujattary Almaty qalasy Ortalyq memlekettik muraǵatyna turaqty saqtaýǵa qabyldanǵan. Onda sýretterge jan bitirgen, qazaq tilindegi tuńǵysh mýltfılminiń alǵashqy syzba nusqasy da bar. Sonymen qatar, maıdan dalasynan artyndaǵy jalǵyz qaryndasy Raıhanǵa jazylǵan úshbý haty men sol surapyl kúnder týraly estelik qoljazbasy muraǵattaǵy qundy qujatqa aınalǵan.