«Ámbebap» muǵalim bilim sapasyna keri áser etip otyrǵan joq pa?» - respýblıkalyq basylymdarǵa sholý

ASTANA. 3 qazan. QazAqparat - Qazaq aqparat agenttigi respýblıkalyq basylymdarda 3 qazan, sársenbi kúni shyqqan ózekti materıaldarǵa sholýdy usynady.

***

«Egemen Qazaqstannyń» taralymy bıyl Jetisý jerinde  óse túsetin boldy. Osynaý qýanyshty habardy  Almaty oblysynyń ákimi Ańsar Musahanov  «Egemen Qazaqstan» respýblıkalyq gazeti» aktsıonerlik qoǵamynyń  prezıdenti Saýytbek Abdrahmanovpen kezdesý ústinde aıtty»,-dep jazady atalǵan basylym búgingi sanynda. «Elbasynyń sarabdal saıasa­ty­men elimizde atqarylyp jat­qan san qyrly jumysty der kezinde joǵary deńgeıde jámı­ǵat­qa jetkizip otyrǵan el gazeti «Egemen Qazaqstan» taralymy­nyń óskenin biz qýana quptaımyz. Bas basylymnyń Jetisý jerindegi byltyrǵy jylǵy taralymy da jaqsy boldy. Bizde sheginý, artqa qaraılaý joq. Tek,  alǵa arshyndaı basý daǵdyǵa aı­nal­ǵan. Oblysymyzda kúzgi jıyn-terin jumysy da ózindik mol­shylyǵyn ákeldi. Bıylǵy jyl  jaýynsyz ótti deýge keledi. Biraq  taýly óńirlerde  astyqtyń shyǵymy jaman emes. Kúrishtiń  ónimdiligi  artty. Bir mıllıon tsentner júgeri jınalady dep kútilýde. Bul bıylǵydaı tórt aı jaýyn tambaǵan óńir úshin aýyz toltyra aıtýǵa turatyn kórset­kish. Qysqa daıyndyǵymyz da oıdaǵydaı jalǵasýda», - dedi oblys ákimi. Bul maqala «Bas basylymnyń taralymy bıyl Jetisý jerinde anaǵurlym óse túsedi» degen taqyryppen berilip otyr.

Osy basylym búgingi sanynda Qazaqstan Respýblıkasy Ortalyq saılaý komıssııasynyń tóraǵasy Qýandyq Turǵanqulovpen aradaǵy «Máslıhattar saılaýy da joǵary mánge ıe» atty suhbatty kópshilik nazaryna usynyp otyr. «Máslıhat depýtattary belgili bir sebeptermen shy­ǵyp qalǵan okrýgter bolǵan jaǵ­daı­da ǵana bos mandattarǵa saılaý ótkiziledi. Bul rette, 2011 jyldyń kúzi men 2012 jyldyń kókteminde máslıhattarǵa qosymsha saılaý bol­maǵanyn aıta ketken jón. Al bıylǵy jylǵy qazan aıy­nyń 28-i kúni respýblıkanyń 11 óńiriniń 45 saılaý okrýginde ár­túr­li sebeptermen shyǵyp qalǵan más­lıhat depýtattarynyń ornyna saılaý ótetin bolady. Qazirgi ýaqytta biz osy elek­to­rat­tyq sharany ázirleý men ótki­zý­ge qatysty máselelermen shuǵyl­da­ný­damyz... Máslıhat depýtattary bir man­datty saılaý okrýgteri boıynsha saılanatyn bolǵandyqtan, 45 okrýgten 45 depýtat saılanýy tıis, olardyń 10-y - oblystyq más­lı­hat­tarǵa, 8-i - qalalyq más­lıhat­tarǵa jáne 27-si - aýdandyq más­lı­hattarǵa saılanady»,-deıdi Q. Turǵanqulov.

***

 «Aıqyn» gazetiniń jazýynsha, Aqmola oblysy Ereımentaý aýdandyq máslıhatynyń depýtaty Erbol Dúısenov osyndaǵy Seleti aýyldyq okrýginiń ákimi Gazız Ábenovke judyryq jumsap, áriptesteri aldynda masqara boldy. Erbol Dúısenov keshe Astanada ótken baspasóz máslıhatynda: «Meni osy óreskel qylyǵym úshin Kókshetaýdaǵy «Nur Otan» partııasynyń tártiptik keńesine shaqyryp otyr. Bálkim, áriptesterim sottyń sheshimine sáıkes meniń depýtattyq mandatymdy keri qaıtaryp alatyn bolar. Biraq, amal ne, bárin bara kórermin»,-degen. Bul materıal basylymda «Depýtat judyryq jumsap, aıppul tóledi» degen taqyryppen berildi.

***

«Alash aınasy» gazetiniń jazýynsha, sońǵy kezderi elimizde lańkestik kesapattar kóbeıip ketti. Ustalyp ta, atylyp ta jatqandary az emes. Osy oraıda, basylym tilshisi  «Jastarymyzdyń jıhadshyl bolýyna kim kináli?» atty taqyryppen ózekti máseleni qozǵapty. Kináni ár saladan izdegen tilshi Dinge de, ata-analar tárbıesine de, mektepke de úńilip, óz qorytyndysyn shyǵarǵan. Sodan úzindi keltirsek: «Arnaıy zertteýler kórsetip otyrǵandaı, teris dinı aǵymdardyń jetegine ilesken jastardyń bir bóligi áleýmettik jaǵynan az qamtylǵan otbasylardan bolsa, kópshiligi dinı saýatsyzdyqtan shyǵyp otyr. «Bizge qosylsań, jaǵań jaılaýda bolady» dep aldarqatqandardyń shyrmaýyna ilesip, qalaı terrorıst atanǵandaryn bilmeı qalatyn jastar da az emes. Lańkestik áreketteriniń, ásirese, bylaıǵy el baı kóretin munaıly Atyraýda jıi bas kóterýi alańdatarlyq jaıt. Baılyq bar jerde qashanda qaqtyǵystar men soqtyǵystar az bolmaıdy. Jas urpaqtyń boıyna ulaǵatty tárbıeni sińirýdiń qajettiligi de osynda», - dep qorytyndylaıdy Baqytgúl Babash.

 

«Qazaqstannyń qaı aýylyndaǵy mektepti alyp qarasańyz da maman jetispeýshiligi aıǵyn seziledi. Ásirese, matematıka, fızıka, hımııa, ınformatıka sııaqty pánderdi oqytatyn muǵalimder kemshin túsip jatady. Muǵalim jetispese táýelsizdik alǵannan bergi 20 jyl boıy balalarymyzdy kim oqytyp keldi degen zańdy saýal týyndaıdy. Jaýap: «ámbebap» muǵalimder»,-dep jazady «Alash aınasy». ıAǵnı biliktiligi sáıkes kelmese de sabaq beretinder. Mundaı jan-jaqty ustazdar ásirese aýyldaǵy bilim oshaqtarynda óte kóp. Osyǵan baılanysty «Ámbebap» muǵalim bilim sapasyna keri áser etip otyrǵan joq pa?» degen taqyrypta másele kótergen tilshi Erbaqyt Amantaıulynyń maqalasyn jiberip almańyzdar.