Amazon Túrkııada spýtnık bólshekterin shyǵarady

<p>ASTANA. Kazinform &ndash; Amerıkalyq Amazon korporatsııasy Túrkııada spýtnıktik quramdas bólikter shyǵarýǵa ınvestıtsııa salatynyn málimdedi.</p>

Amazon sheshimi birneshe faktorlarǵa negizdelgen. Anyqtalǵandaı, Túrkııa mashına jasaýdy damytý úshin qolaıly jaǵdaı usyna alady, bilikti tehnıkalyq mamandarǵa ıe jáne Qytaı men Eýropadan qajetti bólshekterdi jetkizý ońaıǵa soǵady.

Joba Túrkııanyń joǵary tehnologııalyq óndiriske mamandanǵan Tezmaksan kompanııasymen birlesip júzege asyrylmaq. Sıvas, Iozgat, Tokat jáne Kaıserı sııaqty Túrkııanyń tórt provıntsııasyndaǵy zaýyttarda óndiris jolǵa qoıylady. Joba jaqyn arada júzege asyryla bastaıdy, ónimderdiń alǵashqy jetkizilimi 2025 jyldyń basyna josparlanǵan.

Amazon ınvestıtsııasy kompanııanyń spýtnıktik tehnologııalar salasyndaǵy pozıtsııasyn nyǵaıtyp qana qoımaı, túrik ónerkásip sektorynyń damýyna aıtarlyqtaı úles qosýy kútilýde. Osylaısha, Túrkııa óziniń geografııalyq jaǵdaıy men damyp kele jatqan tehnıkalyq tájirıbesiniń arqasynda birte-birte álemdik joǵary tehnologııalyq naryqta mańyzdy oıynshy bolýdy josparlap otyr.

Amazon qatysatyn bul joba halyqaralyq kompanııalardyń túrik óndirisiniń áleýetine qyzyǵýshylyǵyn kórsetedi jáne tehnologııalyq yntymaqtastyq úshin jańa múmkindikter ashady.

Aıta keteıik, Qazaqstan Ilon Masktiń Starlink ınternetine balama bolatyn Amazon Kuiper spýtnıktik ınternet qyzmetimen kelisimge qol qoıýdy josparlap otyr.