Amankeldi Taspıhovtyń shtaby Túrkistanda kezdesý ótkizdi
10:30, 28 Mamyr 2019
TÚRKІSTAN. Qazaqparat - QR Prezıdenttigine kandıdat Amankeldi Taspıhovtyń respýblıkalyq saılaýaldy shtabynyń teń-jetekshisi, QR Kásipodaqtar Federatsııasy tóraǵasynyń orynbasary Satybaldy Daýletalın bastaǵan shtab delegatsııasy Túrkistan oblysyna jumys saparymen keldi.
Úgit-nasıhat sharalary oblys ortalyǵy Túrkistan qalasynan bastaldy. Kıeli shahardaǵy jergilikti halyqty tirshilik nárimen qamtyp otyrǵan «Túrkistan-sý» memlekettik kásipornynda saılaýaldy kezdesý ótkizdi. Jıynǵa 85 adam qatysty. Basqosýdy ashyp sóz sóılegen shtab basshysy Berik Bekjanov elimizde ótetin saılaýdyń mańyzdylyǵyna toqtaldy.
Saılaý qarsańynda uıymdastyrylyp otyrǵan sharada «Túrkistan-sý» memlekettik kásipornynyń qyzmetkeri Seıilbek Daırabaı shtab múshelerine alǵysyn aıtyp, kásipodaq týraly oń pikirler jetkizdi.
Aıta keteıik, QR Prezıdentin saılaý 9 maýsymda ótedi. Oǵan 7 kandıdat tirkelgen.