Amankeldi Taspıhovtyń senimdi ókili Tarazda saılaýshylarmen kezdesti
15:15, 06 Maýsym 2019
TARAZ. QazAqparat - Tarazda prezıdenttikke úmitker Amankeldi Taspıhovtyń senimdi ókili Erulan Maǵzymbekov saılaýshylarmen kezdesti, dep habarlaıdy QazAqparat QR Kásipodaqtar federatsııasynyń baspasóz qyzmetine silteme jasap.
Bilim qyzmetkerleriniń Kásipodaqtar úıinde ótken jıynda úmitkerdiń senimdi ókili saılaýshylardy A.Taspıhovtyń saılaýaldy baǵdarlamasymen tanystyryp, kókeıinde júrgen saýaldarǵa jaýap berdi.
Erulan Maǵzymbekov ujymdyq shart arqyly jumysshy qorǵalatynyn aıtty. Alaıda, kóp jumys berýshiler ujymdyq shart jasap, ózine mindetteme alýdan qashqaqtaıdy. Bul týraly QR Prezıdenttigine úmitker Amankeldi Taspıhovtyń baǵdarlamasynda aıtylǵan.
Jıyn sońynda aqparattyq paraqshalar taratylyp, azamattyq belsendilik tanytýǵa úndegen jalyndy sózder aıtyldy. Senimdi ókil saılaýshylar qoıǵan suraqtarǵa jaýaptar berdi.