Amankeldi Taspıhovtyń senimdi ókilderi perınataldyq ortalyqta kezdesý ótkizdi

NUR-SULTAN. QazAqparat - Prezıdenttikke kandıdat Amankeldi Taspıhovtyń senimdi ókilderi Qyzylorda oblystyq perınataldyq ortalyqta​ aq halatty abzal jandarmen kezdesti. Bul jóninde QR Kásipodaqtar federatsııasynyń baspasóz qyzmeti habarlady.

Halyq densaýlyǵyn jaqsartýda aımaqta birshama jumystar atqarylýda. Ásirese, ana men bala densaýlyǵy jiti nazarda, bul rette Qyzylorda oblystyq perınataldyq ortalyǵynyń alar orny zor. Medıtsınalyq mekeme 2014 jyly ashylǵan. Aýrýhana 350 orynǵa jasaqtalǵan, munda 764 adam qyzmet atqarady.

​Kezdesýde aýmaqtyq kásipodaqtar birlestiginiń tóraǵasy Serik Sermaǵambetov elimizdegi saıası naýqan týraly aıta kele, kásipodaq atynan saılaýǵa túsken kandıdat Amankeldi Taspıhovtyń ómirbaıany, eńbek joly týraly áńgimelep, saılaýaldy baǵdarlamasyn tanystyrdy.

Eńbek ujymy kandıdat tuǵyrnamasynda kóterilgen máseleler týraly oılaryn ortaǵa saldy. Prezıdenttikke úmitker Amankeldi Taspıhov tuǵyrnamasyndaǵy eńbek qatynastary boıynsha qoıylǵan talaptarǵa qatysty pikir bildirdi.

Kezdesýge ortalyqtyń 50-den asa qyzmetkeri qatysty. Jıyn barysynda qatysýshylarǵa úgit-nasıhat materıaldary taratyldy.