Amankeldi Taspıhovtyń senimdi ókilderi óńirlerdi aralap júr

NUR-SULTAN. QazAqparat - Kásipodaqtar Federatsııasynan QR Prezıdenttigine úmitker Amangeldi Taspıhovtiń senimdi ókilderi óńir-óńirlerde úgit-nasıhat jumystaryn júrgizip jatyr, dep habarlaıdy QazAqparat federatsııanyń baspasóz qyzmetine silteme jasap.

Aıtalyq, Aqtóbe oblystyq qoǵamdyq shtabynyń tóraǵasy Altynbek Ámirǵalıev oblystaǵy mádenıet, sport jáne aqparat salasy qyzmetkerlerimen kezdesti. Basqosý barysynda Altynbek Ámirǵalıev jıynǵa qatysýshylardy saılaý aldyndaǵy tuǵyrnamasymen tanystyryp, kandıdattyń memleket qurýdaǵy eńbek jolyna keńinen toqtalyp ótti.

Al, Qyzylorda óńirlik shtab músheleri​ Qyzylorda oblysynyń ​Qazaly aýdanyna baryp, jıyn ótkizdi. Qatysýshylarǵa úgit-nasıhat materıaldary taratyldy. Qazaqstan Respýblıkasynyń kásipodaqtar Federatsııasynan QR Prezıdenttigine kandıdat Amangeldi Taspıhovtyń eńbek adamynyń múddesin qorǵaýǵa baǵyttalǵan baǵdarlamasy jıynǵa qatysýshylardyń qyzyǵýshylyǵyn týǵyzdy.

Sondaı-aq, Mańǵystaý oblystyq qoǵamdyq shtab pen kandıdattyń senimdi ókilderi Aqtaý qalasynyń №6 orta mektebiniń eńbek ujymymen kezdesti.

Al, Jambyl oblystyq qoǵamdyq shtab músheleri - senimdi ókilder Jambyl oblysy T.Rysqulov aýdanynyń ortalyǵy Qulan aýylyndaǵy «Sulýtór» kınoteatrynda aýdan jurtshylyǵymen kezdesti. Aıta keteıik, senimdi ókilder 96 jyldyq tarıhy bar Qulan aýyl sharýashylyq kolledjinde de jıyn ótkizdi. Oǵan 150-den astam saılaýshy qatysty.

Barlyq kezdesýde saılaýshylarǵa úgit-nasıhat materıaldary taratyldy.