Amankeldi Taspıhovtyń senimdi ókilderi aqtaýlyq jumysshylarmen kezdesti

NUR-SULTAN. QazAqparat - 17 mamyr kúni Prezıdentikke úmitker Amankeldi Taspıhovtyń Mańǵystaý oblystyq saılaýaldy shtabynyń ókilderi «CaspiBitum» JShS eńbek ujymymen kezdesti. Bul jóninde QR Kásipodaqtar federatsııasynyń baspasóz qyzmeti habarlady.

Amankeldi Taspıhovtyń senimdi ókilderi, aımaqtyq qoǵamdyq shtabtyń jetekshisi Kıikbaı Jaýlın jáne kásipodaq ardageri Marat Dáýletov «CaspiBitum» JShS qyzmetkerlerine kandıdattyń saılaýaldy baǵdarlamasyn tanystyrdy.

Kıikbaı Jaýlın mekeme qyzmetkerlerine Amankeldi Taspıhovtyń saılaýaldy tuǵyrnamasyndaǵy jumys ornyndaǵy eńbek qaýipsizdigi jáne eńbekti qorǵaý týraly bólimge erekshe toqtalyp, baǵdarlamadan úzindi oqyp berdi.

Sondaı-aq, senimdi ókil úgit-nasıhat jumysyn qalaı júrgizý kerektigin túsindirip, birqatar suraqtarǵa jaýap berdi. Senim bildirilgen tulǵa sóziniń sońynda barlyq qyzmetkerlerdi osy kandıdatqa daýys berýge shaqyrdy.

Kezdesýge barlyǵy 50-den astam adam qatysty.