Amankeldi Taspıhovtyń saılaý shtaby 3 oblysta belsendi jumys istedi

NUR-SULTAN. QazAqparat - Qazaqstan Prezıdenttigine kandıdat Amankeldi Taspıhovtyń senimdi ókilderi áýeli Qyzylorda oblysynda «Jolaýshy» aktsııasyn ótkizip, Túrkistan oblysynda nasıhat paraqshalaryn taratty. Jambyl oblysyndaǵy shtab músheleri shalǵaı aýyldardy aralap júr, dep habarlaıdy QazAqparat tilshisi.

Qyzylordada kásipodaq jastary ortalyq avtobekette, eldi mekenderge qatynaıtyn avtobýstarda, temir jol vokzalynda, aıaldamalarda jolaýshylarǵa úgit-nasıhat materıaldaryn taratty.

Al Túrkistan qalasynda jastar halyqqa nasıhat paraqshalary men Prezıdenttikke úmitker Amankeldi Taspıhovtyń saılaýaldy baǵdarlamasy bar kitapshalar úlestirdi.

Shtab músheleri munda da halyq kóp shoǵyrlanǵan jerlerde bolyp, nasıhat jumystaryn júrgizdi. ıAssaýı kesenesi, «Rámizder alańy» alleıasy, ortalyq bazar sııaqty oryndarda turǵyndar saılaýaldy materıaldarmen tanysty.

Jambyl oblysynda Amankeldi Taspıhovty qoldaýshylar aýyldyq eldi mekenderdi aralap júr.

Sonda kezdesýdiń biri Moıynqum aýdanyna qarasty shalǵaıdaǵy Birlik aýylynyń «Jastar» klýbynda ótti. Shtab músheleri aýyl halqyna óz kandıdattarynyń baǵdarlamasyn tanystyrdy.