Amankeldi Taspıhov shtaby shymkenttikterge úgit materıaldaryn taratty

ShYMKENT. QazAqparat - Prezıdenttikke kandıdat Amankeldi Taspıhovtyń Shymkent qalalyq shtabynyń ókilderi turǵyndarǵa úgit-nasıhat quraldaryn taratty, dep habarlaıdy QR Kásipodaqtar federatsııasynyń baspasóz qyzmeti.

«Keleshek» jastar qanatynyń músheleri saılaý naýqanyna qyzý kirisken. Búgin belsendiler halyqqa úgit paraqshalary men QR Prezıdenttigine kandıdat Amankeldi Taspıhovtyń saılaýaldy baǵdarlamasy jazylǵan kitapshalardy taratty.

Belsendiler shymshahardaǵy ortalyq saıabaq, alańdar men alleıalardy aralap, temir jol vokzaly, saýda ortalyqtary sııaqty halyq kóp shoǵyrlanǵan oryndarda azamattardy saılaýaldy materıaldarmen tanystyrdy. Alda kele jatqan prezıdent saılaýynyń mańyzyna toqtalǵan qyz-jigitter azamattardy saıası dodadan tys qalmaı, belsendi bolýǵa shaqyrdy. Úmitker Amankeldi Taspıhovtyń tuǵyrnamasyn túsindirip, úgit-nasıhat jumystaryn belsene atqardy.