Amankeldi Taspıhov shtaby Beıneý halqyna baǵdarlamasyn tanystyrdy

BEINEÝ AÝDANY. QazAqparat - Prezıdentikke úmitker Amankeldi Taspıhovtyń Mańǵystaý oblysy boıynsha qoǵamdyq shtabynyń ókilderi Beıneý aýdanynda saılaýshylarmen kezdesti. Bul jóninde QR Kásipodaqtar federatsııasynyń baspasóz qyzmeti habarlady.

Beıneý aýdanyna jumys sapary barysynda senimdi ókilder aýdanǵa qarasty alty aýyldyń, atap aıtqanda Beıneý, Boranqul, Turysh, Sam, Sarǵa, Eset aýyldarynyń tynys-tirshiligimen tanysyp, birqatar áleýmettik jáne óndiristik nysandardy aralady. Beıneý aýdanynyń qarashańyraǵy - Sam aýylynda saılaýshylarmen kezdesý ótkizdi.

Sam aýylynda 500-den astam adam turady. Aýyl turǵyndaryna mektep-balabaqsha kesheni, medıtsınalyq pýnkt, Qazposhta bólimshesi, ATS baılanys toraby qyzmet kórsetedi. Aýyldaǵy úıler gaz, elektr energııasy jáne aýyzsýmen tolyq qamtylǵan. Aýyldyq okrýgke qarasty Noǵaıty aýylynda 270-ke tarta turǵyn bar. Aımaqtyq qoǵamdyq shtab ókilderi kelgen jıynǵa eki aýyldyń da adamdary qatysty.

Іs-sharada úmitkerdiń Mańǵystaý oblystyq qoǵamdyq shtaby jetekshisiniń orynbasary, senimdi ókil Telman Mataev aldaǵy saılaýdyń saıası mańyzyna toqtalyp, kópshilikke úmitkerdiń ómirbaıanyn tanystyrdy. Sondaı-aq, úmitkerdiń saılaýaldy tuǵyrnamasyn jáne eńbek jolyn túsindirip berdi.

Shtab ókilderi kópshiliktiń suraqtaryna jaýap berip, búgingi eńbek adamynyń róli men ornyn aıqyndady.

Jıyn sońynda qatysýshylarǵa úgit-nasıhat materıaldary taratyldy.