Amankeldi Taspıhov Aqmola jurtshylyǵymen kezdesti

NUR-SULTAN. QazAqparat - Búgin QR Prezıdenttigine kandıdat Amankeldi Taspıhov Aqmola oblysy Arshaly aýdanynda aýyl sharýashylyǵy, densaýlyq saqtaý, mádenıet jáne kásipkerlik salasynyń kásipodaq músheleri jáne senimdi ókildermen kezdesýi ótti. Bul týraly QR Kásipodaqtar federatsııasynyń baspasóz qyzmeti málim etti.

Kezdesý barysynda QR Kásipodaqtar federatsııasy atynan QR Prezıdenttigine kandıdat óziniń eńbek joly týraly aıtyp ótti. Sondaı-aq, saılaýaldy baǵdarlamasy aıasynda kóptegen máselelerdi sóz etti. Máselen, zeınetaqy deńgeıi, eńbek zańnamasyna ózgerister engizý qajettiligi syndy birqatar ózekti máseleler aıtyldy.

Kezdesýge qatysýshylar tarapynan pedagogtar mártebesi týraly zańnyń qazirgi jaǵdaıy, medıtsınalyq qamsyzdandyrý jáne aýyldyq eldi-mekenderdiń ózge de máseleleri, sonyń ishinde kómir, elektr qýaty baǵasyny týraly saýaldar qoıyldy. Amankeldi Taspıhov ár suraqty muqııat tyńdaı otyryp, tushymdy jaýap berdi.

Kásipodaq músheleri kandıdattyń tuǵyrnamasymen jan-jaqty tanysyp, kórsetilgen máselelerdiń mańyzdy ekendigin aıtty, aldaǵy saılaý naýqanynda qoldaý kórsetetinderin jetkizdi.