Amangeldi Taspıhovtyń senimdi ókilderi ShQO bilim berý salasynyń ókilderimen kezdesti

NUR-SULTAN. QazAqparat - QR Prezıdenttigine kandıdat Amangeldi Taspıhovtyń senimdi ókilderi Shyǵys Qazaqstan oblysy Katon-Qaraǵaı aýdany Úlken aýylynyń bilim berý salasy kásipodaǵy uıymynyń ókilderimen kezdesti, dep habarlaıdy QazAqparat.

Senimdi ókil Aısulý Zarıpova kezdesýde jınalǵandardy kandıdattyń ómirbaıany men saılaýaldy baǵdarlamasymen tanystyrdy.

Senimdi ókilmen kezdesýge aýdandyq bilim berý salasy kásipodaǵy uıymynyń 65 jumyskeri qatysty.

Almatyda «Azamat» saılaýdy monıtorıngileý azamattyq platformasynyń bastamasymen «Bolashaq prezıdentke 5 usynys» taqyrybynda dóńgelek ústel otyrysy ótti.

Dóńgelek ústel otyrysyna QR Prezıdenttigine kandıdattardyń ókilderi, saıası partııalardyń, qoǵamdyq uıymdardyń músheleri, iri úkimettik emes uıymdar men BAQ ókilderi qatysty.

«Amanat» azamattyq platformasynyń músheleri azamattyq boryshty 9-shy maýsym, daýys berý kúni óteýge shaqyrdy. Baıqaýshylar jáne senimdi ókildermen jumys týraly aıtty.

QR Prezıdentigine kandıdat Amangeldi Taspıhovtyń senimdi ókili ıA.Shvets «Óskemen sý arnasy» kásiporny kásipodaq uıymy ókilderimen kezdesý ótkizdi.

Kezdesý barysynda ıA.Shvets kandıdattyń saılaýaldy platformasy týraly aıtty.

Aıta keteıik, 11 mamyrda Qazaqstanda QR prezıdenttigine kandıdattardyń saılaýaldy úgit naýqany bastaldy. QR Ortalyq saılaý komıssııasy QR Prezıdentiniń 7 kandıdatyn tirkedi.