Amangeldi Taspıhovtyń ókilderi túlkibastyqtarmen kezdesti

NUR-SULTAN. QazAqparat - QR Prezıdenttigine úmitker Amangeldi Taspıhovtyń úgit-nasıhat toby Túlkibas aýdanynyń halqymen kezdesti, dep habarlaıdy QazAqparat Qazaqstan Respýblıkasy Kásipodaqtar federatsııasyna silteme jasap.

Mántaı Jarymbetov aýylyndaǵy alma baqta ótken kezdesýge aýyl sharýashylyǵy, bilim berý, mádenıet jáne kitaphana qyzmetkerlerinen quralǵan 150 adam qatysqan.

Kandıdat Amangeldi Taspıhovtyń Shymkent qalasy boıynsha qoǵamdyq shtabynyń basshysy Berik Bekjanov alda kele jatqan saıası dodanyń memleket tarıhyndaǵy mańyzdylyǵyna toqtaldy.

Úmitkerdiń saılaýaldy tuǵyrnamasyn egjeı-tegjeıli túsindirgen Berik Bekjanov saılaýshylardyń saýaldaryna da jaýap berdi.

Jıynda sóz alǵan bilim salasynyń qyzmetkerleri Erjan Mahashev pen Gaýhar Meńdibaeva elimizdiń Táýelsizdik jyldary jetken jetistikteri men Qazaqstannyń jarqyn keleshegi týraly oı-pikirin ortaǵa saldy.

Kezdesýge kelgen kópshilik Qazaqstan kásipodaq uıymynyń bolashaqtaǵy josparlarmen tanysyp, jańa múmkindikterge qanyqty.