Amangeldi Taspıhov saılaý qorytyndysyna qatysty pikir bildirdi
Amangeldi Taspıhov saılaýdyń úgit-nasıhat barysynda eshqandaı da kedergiler bolmaǵanyn atap ótedi.
«Bizde eshqandaı da kedergi bolǵan emes, úgit-nasıhat jumysy barysynda eshkim jumysymyzǵa aralasqan joq. Sondyqtan, eshqandaı da shaǵym joq. Óz basym 12 óńirde boldym, meniń senimdi ókilderim, jaqtastarym barlyq aımaqtardy aralap shyqty. Biz, kásipodaqtar, ózimizdi osy saılaý arqyly kórsete aldyq, meniń kózqarasymdy jaqtaǵandar bir komandaǵa jumyldyq. Meni qoldaıtan kóptegen dostar taptym. Barlyq jerde de bizdi jyly qarsy alyp, qoldaýlaryn bildirip jatty», - deıdi Taspıhov.
Onyń aıtýynsha, saılaýǵa qatysý úlken abyroı, úlken jaýapkershilik. Sondyqtan da, kandıdat osy mańyzdy kezeńde ózin qoldaǵandardyń barshasyna alǵysyn jetkizdi.
«maǵan kómek kórsetken barsha azamattarǵa alǵysym sheksiz. Osyndaı adamdardyń meniń qasymnan tabylyp, maǵan qol ushyn sozyp, qoldaǵandarǵa asa rızashylyǵymdy bildiremin», dedi ol.
Eske sala keteıik, «Qoǵamdyq pikir» ınstıtýtynyń búgingi saılaýdyń nátıjesine arnalǵan Exit poll boıynsha kandıdat Taspıhov 1,41 paıyz daýysqa ıe boldy.