Amangeldi aýyly sý astynda qaldy
22:30, 26 Naýryz 2024
<p>QOSTANAI.KAZINFORM – Qostanaı oblysyndaǵy Amangeldi aýylyn sý basyp qaldy. Bul týraly jergilikti <a href="https://tobolinfo.kz/poselok-amangeldy-utopaet-v-vode/" target="_blank" rel="noopener">Tobolinfo.kz</a> aqparattyq agenttigi jazdy. </p>
Búgin, 26 naýryzda tipti jaǵdaı ýshyǵa túsken. «TobolInfo»-nyń redaktsııasyna sý basqan aýyldyń fotolaryn turǵyndar jibergen.
Olardyń aıtýynsha, dál qazirgi qıyn-qystaý sátte aýylda 18 qutqarýshy qoldarynan kelgenshe tyrysyp jatyr. Jergilikti turǵyndardyń sózinshe olar bul jaǵdaıǵa múlde daıyn bolmaǵan.
Aýyl turǵyndarynyń málimetinshe, sý úıge deıin jetken. Ásirese, qoradaǵa malǵa qaýip tónip tur. Jańa týǵan buzaýlardyń jaǵdaı qıyndaý. Turǵyndar óz ómirleri men dúnıe-múlki úshin alańdaýly.
«Halyq ábigerge tústi. Bılik organdary irgege jetken sýmen kúres júrgizýge qaýqarsyz ekenin taǵy bir kórsetip berdi. Ortalyq kóshelerdiń biri Seıfýllın kóshesi sý astynda qaldy. Bul jerde eki mektep oryn tepken», — dep jetkizdi alańdaýly halyq.