Amandyq Batalov jumystan qýǵan sheneýnik ketpeıtin boldy

TALDYQORǴAN.QazAqparat - Almaty oblysynyń ákimi Amandyq Batalov «demagog» dep atap, jumystan qýǵan sheneýnik óz qyzmetinde qalatyn boldy, - dep habarlaıdy QazAqparat tilshisi.

«Ol aryz jazbady. Esep berý kezdesýinen keıin, kópbalaly analar bizge habarlasyp, ótinish aıtty. «Bir turǵynnyń aryzy búkil halyqtyń pikiri emes» dedi. Analar áleýmettik jelilerge jáne oblys ákimine jeke-jeke hat jazyp, qala orynbasaryn ornynda qaldyrýdy surady. Turǵyndardyń pikirinshe, Qalıasqarov kópbalaly analarmen jaqsy jumys isteıdi. Osyǵan baılanysty ony jumys ornynda qaldyrý týraly sheshim qabyldandy, biraq budan bylaı eshkim onyń jumysyna shaǵymdanbaýy úshin oǵan eskertý jasaldy», - dedi Almaty oblysy ákiminiń baspasóz hatshysy Ǵalymurat Júkel.

Esterińizge sala keteıik, keshe oblys ákiminiń esebi aıaqtalǵannan keıin taldyqorǵandyq turǵyn Lıazzat Qudaıbergen Amandyq Batalovqa shaǵymyn jetkizgen bolatyn. Amandyq Batalovtyń Taldyqorǵan qalasy ákiminiń orynbasary Ashat Qalıasqarovty ne sebepti «demagog» dep ataǵanyn siltemeni basyp, oqı alasyzdar.