Amanat-tyń partııalyq tizimi 75 paıyz jańardy – Erlan Qoshanov

ASTANA. QazAqparat – Amanat partııasy aldaǵy mádilis pen máslıhatqa usynǵan ár besinshi kandıdat – jas býyn ókili. Partııa tóraǵasy Erlan Qoshanov sezd barysynda osyndaı derek keltirdi, dep habarlaıdy QazAqparat tilshisi.

«Amanat»-tyń partııalyq quramy 75% jańartyldy. Bul – eldegi búkil ókildik organdaryna usynylǵan 4 myńǵa jýyq adam degen sóz.

Olardyń úshten biri áıelder. Bizdiń árbir besinshi úmitkerimiz –jas býyn ókili. Bul Memleket basshysynyń reformalary men partııa baǵytyn júzege asyrýǵa qabiletti jarqyn kóshbasshylardyń jańa shoǵyry. Biz álemge bózgelerdiń kózimen qaraı alamyz», - dedi partııanyń XXV sezinde partııa tóraǵasy Erlan Qoshanov.

Sondaı-aq ol óziniń osy partııa sapynda turǵanyn maqtan etetinin aıtyp ótti.

«Biz halyqqa jaqyndaı bastadyq. Jaıly kabınetterden shyǵyp, adamdarmen zaýyttarda, bazarlarda, aýlalarda jáne aýyldarda ashyq sóılesip júrmiz.

Biz kún saıyn adamdardyń problemalary men qajettilikterimen ómir súremiz jáne olardy sheshý úshin jaýapkershilikti óz moınymyzǵa alýǵa daıynbyz», - dedi ol.

Eskǵe salsaq, Amanat Májilis saılaýyna 119, al máslıhatqa 3821 kandıdat usyndy.